Бо қарори ҳукумати ҷумҳурӣ, Сафиалло Девонаев аз вазифаи сардори Хадамоти муҳоҷирати назди ҳукумати ҶТ озод шуда, ба мансаби сардори Раёсати мубориза бо ҷинояткории муташаккили ВКД Тоҷикистон таъин карда шуд.

Тавре ба ОИ «Азия-Плюс» як манбаъ аз ВКД ҶТ хабар дод, ӯ дар ин мансаб генерал-майор Ҷӯрахон Зоировро иваз намуд, ки дар навбати худ сардори Академияи ВКД ҶТ таъин гардид. Собиқ роҳбари Академияи ВКД ҶТ генерал майор Абдулҳаким Розиқзода бинобар сабаби ба кори дигар гузаштан аз ин мансаб сабукдӯш шудааст.

Бо фармони вазири корҳои дохилии ҷумҳурӣ, подполковники милиса, корманди собиқи дастгоҳи вазорат Ҷалолиддин Садриддинов сардори нави маркази матбуоти ВКД ҶТ таъин карда шуд. Собиқ сардори марказ подполковники милиса Маҳмадулло Асадуллоев ба хизмат дар хадамоти Раёсати амнияти дохилӣ гузаронида шудааст.