Дар минтақаи Хатлони марзи давлатии Тоҷикистон кормандони Хадамоти гумруки ҷумҳурӣ беш аз 26 кило маводи мухаддирро мусодира намуданд.

Тавре ба ОИ «Азия-Плюс» як манбаъ аз Хадамоти гумрук хабар дод, ҳангоми кӯшиши убури ғайриқонунии марзи давлатии Тоҷикистон аз Афғонистон ду шаҳрванди Тоҷикистон – Фазлиддин Саидови 25-сола ва Муҳаммад Маҳмадиеви 19-сола боздошт шуда, аз онҳо миқдори зиёди маводи нашъаовар мусодира гардидааст.

«Натиҷаҳои ташхис дар озмоишгоҳ нишон доданд, ки маводи мухаддири мусодирашуда ҳашиш бо вазни 10,7 кило ва афюн бо вазни 15,5 кило будааст», - зикр кард манбаъ.