Аз оғози соли равон мақомоти ҳифзи ҳуқуқи вилояти Хатлон аз рӯйи далели даст доштани шаҳрвандон ба ифротгароиву терроризм 21 парвандаи ҷиноӣ боз намуданд.

Бино ба маълумоти прокурори вилояти Хатлон Сироҷиддин Нуров, дар ин парвандаҳо 29 нафар ҳузур доранд, ки дар узвият ба гурӯҳҳои ифротгаро ва иштирок дар амалиёти ҷангӣ дар қаламрави Сурия айбдор дониста мешаванд.

Ба қавли прокурор, аксари гумонбаршудагон сокинони ноҳияҳои Қубодиёну Бохтар ва шаҳри Кӯлоб мебошанд.

Сироҷиддин Нуров ҳамчунин қайд кард, ки тафтиши як парвандаи ҷиноӣ нисбати 5 нафар аз ин гумонбаршудагон ҷиҳати баррасии минбаъда ба суд ирсол гардида, парвандаҳои боқимонда дар марҳилаи тафтишоти пешакӣ қарор доранд.