Санаи 30-юми октябри соли равон кормандони милитсия ҳангоми гузаронидани чорабиниҳои оперативӣ-ҷустуҷӯӣ ду ҳолати ғайриқонунӣ нигоҳ доштани силоҳи оташфишонро ошкор намуданд.

Бино ба маълуомти маркази матбуоти ВКД Тоҷикистон, дар ҳудуди ноҳияи Рӯдакӣ аз шаҳрванд Файзиев Ҳазратқул, соли таваллудаш 1979, сокини ш. Душанбе 1-адад таппончаи тамғаи “Макаров”, соли бароришаш 1991 (коршоям) бо тирдон ва 1-адад тир дарёфт ва  мусодира  карда  шуд.

Сокини шаҳри Душанбе Шарипов Амонуллоҳ Азамович соли таваллудаш 1975, муваққатан истиқоматкунандаи шаҳри Хуҷанд бошад, дар хонаи истиқоматиаш аз дохили  халтаи  биринҷ  1-адад таппончаи тамғаи “Макаров”, силсилаи ИВ 2174 А, бе соли бароришро бо 5-дона тир дарёфт намуда, ба кормандони милитсия супоридааст.

Зимни гузаронидани чорабиниҳои оперативӣ-ҷустуҷӯӣ бо гумони ғайриқонунӣ нигоҳ доштани силоҳ шаҳрванд Саидов  Исмоилҷон, соли таваллудаш 1979 дастгир гардид. Муайян карда шуд, ки номбурда силоҳи мазкурро  соли  2008  дар  ш. Норак аз “Ҷумъа” ном шахс дастрас намудааст. Нисбати далелҳои мазкур парвандаи ҷиноятӣ оғоз гардида, тафтишот идома дорад.