Маросими супурдани тӯҳфаҳои солинавӣ аз номи Президенти Ҷумҳурии Тоҷикистон нахуст дар Литсейи ҳарбии Вазорати мудофиа шурӯъ гардида, он то ротаву взводи алоҳида ва ба ҳар як афсару сарбози қисмҳои низомӣ расонида шуд.

Бино ба иттилои маркази матбуоти Вазорати мудофиаи ҶТ, аз номи президенти ба муассилини Литеийи ҳарбӣ тӯҳфаҳои солинавӣ ва ба як қатор донишҷӯёни ин муассисаи миёнаи таълимии ҳарбӣ, ки ятиманду ба таври имтиёз шомили литсейи мазкур гаштаанд сару либос тақдим карда шуд. амин гуна чорабинӣ ё худ маросими супурдани тӯҳфаҳои солинавӣ дар Донишкадаи ҳарбии Вазорати мудофиа низ бо шукӯҳи хоса доир шуд.

Гуфта мешавад, ҳамин тариқ, дар арафаи соли нави мелодӣ тӯҳфаҳои солинавӣ, аз номи Сарфармондеҳи Олии Қувваҳои Мусаллаҳ - Эмомалӣ Раҳмон ба тамоми афсарону сарбозони қисмҳои низомии алоҳида, ҳайати шахсии ҷузъу томҳои тобеи навъҳои Қувваҳои Мусаллаҳ, донишҷӯёни низомии муассисаҳои таълимии ҳарбӣ, фарзандони хизматчиёни низомӣ ва аҳли оилаи афсароне, ки ҳангоми иҷрои вазифаҳои хизматӣ ба ҳалокат расидаанд, расонида шуд.

Илова бар ин, ба ғайр аз тақдими тӯҳфаҳои солинавӣ, барои оростани дастурхони идона, аз ҷониби Сарфармондеҳи Олии Қувваҳои Мусаллаҳ барои ҳайати шахсии ҷузъу томҳои тобеи Қувваҳои Мусаллаҳ 157 тонна маводи хурокворӣ, аз қабили гӯшт, равған, шириниҳо, меваҷот ва маҳсулоти гуногуни полезиву донагӣ расонида шуд.