Рӯзи 21 апрел дар шаҳри Душанбе маросими супурдани диплом ва рутбаҳои лейтенантӣ ба гурӯҳи навбатии хатмкунандагони Омӯзишгоҳи олии сарҳадии КДАМ Тоҷикистон доир гардид.

Тавре ба «Азия-Плюс» як манбаъ аз Сарраёсати Қӯшунҳои сарҳадии Тоҷикистон хабар дод, диплому рутбаҳо ба 40 нафар афсарони ҷавони марзбон ва 200 нафар прапоршикҳои давраҳои махсуси омӯзиширо хатмкарда аз ҷониби раиси КДАМ Тоҷикистон Саймӯмин Ятимов тақдим карда шуд.

Зимнан зикр гардид, ки ҳамаи хатмкардагони Омӯзишгоҳи олии сарҳадӣ ва давраҳои махсуси омӯзишӣ ба қисмҳои низомӣ ва гарнизонҳо таъинот гирифта, рӯзҳои наздик ба адои хизмат оғоз мекунанд.