Муовини вазири корҳои дохилии Тоҷикистон Икром Умарзода дар мусоҳиба бо хабарнигори «Азия-Плюс» амалҳои кормандони милисаро, ки шаҳрвандонро ба гирифтан риш маҷбур мекунанд, ғайриқонунӣ хонд.

«Дар ин бора ба Вазорати корҳои дохилӣ се шикоят расида, ду шикоят аз вилояти Суғд ва ноҳияҳои тобеи марказ мавриди санҷишу баррасӣ қарор дорад», - иброз дошт Умарзода ва таъкид намуд, ки нисбати кормандони милисае, ки ба чунин амалҳо роҳ додаанд, чораҳои интизомӣ андешида мешаванд.

Номбурда ҳамчунин зикр кард, ки дар сурати ба чунин ҳолатҳо дучор омадан, шаҳрвандон метавонанд ба телефони шабонарӯзии боварии ВКД - 221-21-21 муроҷиат намоянд.

Ёдрас мекунем, ки чанде қабл дар видеохостинги YouTube наворе пайдо шуд, ки дар он корманди милиса марди ришдорро дар яке аз бозорҳои Тоҷикистон боздошт ва занонро барои ба бар кардани ҳиҷоб мазаммат мекунад.