Вазири қувваҳои ҳарбии баҳрии Иёлоти Муттаҳидаи Амрико Рэй Мэбус сафари банақшагирифтаи худро ба Тоҷикистон 7 ноябр ба анҷом расонд.

Тавре аз сафорати ИМА дар Тоҷикистон дар ин робита иттилоъ доданд, ҳангоми вақти маҳдудаш дар ш. Душанбе ҷаноби Мэбус, сардори қувваҳои ҳарбии баҳрӣ ва қисми пиёдақӯшуни баҳрии ИМА ва намояндагони Сафорати ИМА барои муҳокимаи тарафдории пайвастаи Иёлоти Муттаҳида барои  дастгирии таъмини суботу амният дар Осиёи Марказӣ суҳбат намуданд.

Гуфта мешавад, инчунин ҷаноби Мэбус бо аъзои бахши амнияти сафорат аз ҳисоби аскарони пиёдагарди баҳрӣ мулоқот намуд ва дар базми қисми пиёдақӯшуни баҳрӣ бахшида ба истиқболи солонаи таъсиси пиёдақӯшуни баҳрии Иёлоти Муттаҳида иштирок дошт.

Зимнан зикр гардид, ки ташрифи ҷаноби Мэбус ба Тоҷикистон дар доираи сафари ӯ ба як силсила кишварҳои дохили минтақаи фаъолияти Фармондеҳии ҷанубӣ, африкоӣ, марказӣ ва аврупоии ИМА сурат гирифт ва ҳангоми сафараш ӯ бо барҳнавардони ҳарбӣ, аскарони пиёдагарди баҳрӣ ва роҳбарони олирутбаи низомию ҳукуматӣ мулоқот дошт.