Тӯли 11 моҳи соли равон дар Тоҷикистон содир гардидани ҳудуди 4,9 ҳазор ҷиноятҳои вазнин ба қайд гирифта шудааст, ки нисбат ба ҳамин давраи соли гузашта 17,9% бештар аст.

Бино ба маълумоти Агентии омори назди президенти ҶТ, сабти ҳодисахои дуздӣ, аз ҷумла дуздӣ дар манзилҳо - 27%, ғоратгарӣ - 7,5%, куштор ва суиқасд ба куштор - 5,9%, порагирӣ - 5,2% ва одамрабоӣ - аз 10 то 11 ҳолат афзудааст.

Дар ҳамин ҳол, давоми моҳҳои январ-ноябри соли 2015 зиёда аз 2,8 ҳазор ҷиноятҳои иқтисодӣ ба қайд гирифта шудааст, ки дар муқоиса бо ҳамин давраи соли гузашта 4,5% зиёдтар мебошад.

Гуфта мешавад, дар ин давра 506 ҳолати вайрон кардани қоидаҳои бехатарии ҳаракат дар роҳ сабт шуда, ба маргу ҷароҳатҳои гуногуни ҷисмонӣ бардоштани ҷабрдидагон боис гардидааст.

Тӯли 11 моҳи соли равон дар Тоҷикистон дар маҷмӯъ наздики 20 ҳазор ҷиноятҳо ба қайд гирифта шудааст, ки нисат ба ҳамин давраи соли гузашта 10% бештар мебошад.