Шаби 19 декабр дар ҳудуди масъулияти яке аз дидбонгоҳҳои сарҳадии отряди сарҳадии «Ҳамадонӣ», дар қитъаи сарҳади Тоҷикистону Афғонистон дастаи марзбонон дар якҷоягӣ бо гурӯҳи фаврии қӯшунҳои сарҳадӣ як амали ғайриқонуниро пешгирӣ намуданд.  

Бино ба иттилои АМИТ «Ховар» бо истинод ба Маркази матбуоти қӯшунҳои сарҳадии КДАМ ҶТ, як гурӯҳи қочоқчиёни силоҳбадасти афғон дар вақти убури ғайриқонунии  хатти сарҳад бо сарҳадбонони тоҷик рӯ ба рӯ шуда, дар натиҷа байни онҳо задухӯрди мусаллаҳона ба миён меояд. 

Гуфта мешавад, қочоқчиён ба муқовимати сарҳадбонони тоҷик тоб оварда натавониста, бо истифода аз торикии шаб тариқи қамишзор ба самти Афғонистон бозгаштанд.