Шаҳрванди Тоҷикистон, ки худро узви «Давлати исломӣ» муаррифӣ намуда, дар бораи минагузорӣ дар маркази савдои шаҳри Самараи Русия хабар дода буд, ба гуноҳаш иқрор шудааст. Ба посух ба саволи бо кадом мақсад ба ин амал даст заданаш мушкилӣ кашидааст.

Хабаргузории РИА Новости дар ин робита менависад, ин мард сокини 23-солаи Тоҷикистон буда, боздошт ва дар қаламрави Русия ғайриқонунӣ қарор доштаааст.

Ӯро кормандони Хадамоти федералии амният дар минтақа дастгир кардаанд. Ба иттилои манбаъ, боздоштшуда иқрор шудааст, ки ба мақомоти пулис доир ба минагузорӣ шудани маркази савдои «Космопорт» хабар додааст. Ӯ худро узви «Давлати исломӣ» муаррифӣ намуда, ба мақомоти пулис изҳор доштааст, ки маркази савдо метаркад ва онҳоро бо Соли нав табрик карда, сипас ба маркази савдо баргаштааст ва ҳангоми аз бинои марказ берун бурдани ҳозирин ҳамроҳи онҳо биноро тарк кардааст.

Айни замон кормандони Раёсати Хадамоти федералии амният даст доштани ӯ дар содир намудани дигар ҷиноятҳоро месанҷанд. Зиёни моддии расида ба марказ аз ин амал муайян карда мешавад.