Вазири корҳои дохилии Тоҷикистон Рамазон Раҳимзода имрӯз ба журналистон иттилоъ дод, ки моҳи сентябри соли гузашта дар ҷараёни амалиёт алайҳи гурӯҳи ҷиноятпешаи собиқ муовини вазири мудофиаи ҷумҳурӣ Абдуҳалим Назарзода (Ҳоҷӣ Ҳалим) беш аз 200 нафар шаҳрвандони кишвар боздошт шуданд, ки 11 нафарашон ихтиёран худро ба ҳукумат таслим карданд.

Ба гуфтаи ӯ, 37 нафар террористон, ки дар ин ошӯби мусаллаҳона иштирок доштанд, ҳангоми саркӯб кардани он кушта шуданд.

Зимнан зикр гардид, ки тафтиши парвандаҳои ҷиноӣ нисбати иштирокчиёни исён аз ҷониби мақомоти тафтишоти Прокуратураи генералӣ ба итмом расида, ҷиҳати баррасӣ ба Суди олӣ ирсол шудаанд.