Зимни сафар ба Душанбе муовини вазири мудофиаи Русия Анатолий Антонов изҳор доштааст, ки бо назардошти таҳдидҳои бармеомада аз Афғонистон, Русия ба Тоҷикистон ҳамаҷониба бо аслиҳаву техника кумак мекунад. Дар ин бора хабаргузории РИА Новости иттилоъ медиҳад.

«Дӯстону бародарони тоҷики мо имрӯз барои худ таҳдиду хатарҳои нав эҳсос мекунанд, ки бо инобати мушкилоти ҷойдошта аз қаламрави Афғонистон бармеоянд. Барои мо муҳим аст, ки ҷараёни рӯйдодҳо дар он ҷо ва чӣ тадбирҳо андешидани шуморо бифаҳмем ва албатта, ба Қувваҳои Мусаллаҳи Тоҷикистон ҳамаҷониба бо аслиҳаву техникаи низомӣ ва дигар дастгоҳу лавозимоти зарурии ҳарбӣ кумак кунем, ки то ки сатҳи омодабошии ҷангии онҳо дар сатҳи баланд бошад», - иброз доштааст ӯ.

Ба гуфтаи Антонов, Тоҷикистон яке аз самтҳои афзалиятноки рушди ҳамкориҳои низомӣ ва низомӣ-техникӣ барои Русия шуморида мешавад. «Мо бар ин назарем, ки то чӣ қадр таъмини амният Тоҷикистон хубтар бошад, ҳамон қадр амнияти Русия ҳаам беҳтар хоҳад буд», - илова кардааст муовини вазир мудофиаи Русия.