Бо мақсади бартараф намудани оқибатҳои офати табиӣ дар шаҳри Панҷакент, кормандони Кумитаи ҳолатҳои фавқулодда ва мудофиаи граждании назди ҳукумати ҶТ, чун ҷузъи таркибии Комиссияи махсус оид ба рафъи оқибатҳои ҳолатҳои фавқулодда,  ҷиҳати корҳои  бартарафсозӣ як қатор корҳоро ба сомон расониданд.

Бино ба иттилои маркази матбуоти Кумита, айни замон комиссия ҷиҳати муайянсозии ҳаҷми хисорот фаъолият дошта, ҳамзамон кормандони наҷотдиҳӣ бо мақсади тақсим намудани кумаки башардӯстона барои аҳолии зарардида фаъолият доранд.

Гуфта мешавад, дар чунин як муддати кӯтоҳ аз тарафи  Кумита ба 12 хоҷагиҳо, ки тақрибан 90 нафарро ташкил медиҳанд, 10 номгӯ кумаки аввалиндараҷа расонида шуда, корҳои рафъи оқибатҳои офати табиӣ идома доранд.

Ёдрас мекунем, ки боришоти шадид ва сели зиёд ба шаҳри Панҷакент хисороти зиёд ба бор оварда , мутаассифона, талафоти ҷонӣ низ дар пай дошт.