Моҳи феврал дар сарҳади байни Тоҷикистону Афғонистон се задухӯрди мусаллаҳона ба вуқӯъ пайваста, беш аз 250 кило маводи мухаддир мусодира шуд.
Бино ба маълумоти маркази матбуоти Сарраёсати Қушӯнҳои сарҳадии КДАМ Тоҷикистон, аввали моҳ сарҳадбонон дар ҳамдастӣ бо кормандони милитсия шаҳрванди 43-солаи Афғонистон Аҳмад Абдул Фуруқро дастгир намуда, аз ӯ ба миқдори 70 кило маводи нашъадори навъи ҳашиш ва чарс ёфт ва мусодира карданд.
Ҳамчунин зимни амалиёти муштараки марзбонон бо кормандони мақомоти корҳои дохилӣ рӯзи 5 феврал дар дидбонгоҳи сарҳадии «Дарқад»-и Отряди сарҳадии «Ҳамадонӣ» аз қочоқбарони афғон 34,5 кило афюн, наздики 5 кило “ҳашиш” ва 8 кило “бангдона” дарёфт ва мусодира шуд.
«Дар вақти гузаронидани амалиёт байни хизматчиёни ҳарбӣ ва қочоқчиёни маводи нашъаовар зудухӯрди мусаллаҳона ба вуқӯъ омада, қочоқчиён аз ҷои ҳодиса ба самти Афғонистон фирор карданд», - хабар дод манбаъ.
Қайд шуд, ки дар қитъаи «Панҷоб»-и отряди сарҳадии мазкур шоми ҳамон рӯз бо қочоқбарони афғон задухӯрди мусаллаҳона ба вуқӯъ пайваст.
«Қочоқбарони афғон ба муқовимати хизматчиёни ҳарбӣ тоб оварда натавониста, ба Афғонистон фирор намуданд ва дар ҷойи ҳодиса маводи нашъадори “ҳашиш” - 54 кг 165 гр, “афюн” - 26 кг 590 гр, тирдон - 2 адад бо тирҳои қутраш 7,62 дарёфт ва мусодира шуд», - омадааст дар маълумот.
Зимнан зикр гардид, ки ҳангоми задухӯрди мусаллаҳонаи санаи 8 феврал дар дидбонгоҳи «Сомон»-и отряди сарҳадии «Панҷ» аз ҷои ҳодиса маводи мухаддири ҳашиш - 24 кг, як адад яроки оташфишони тамғаи М-16 истеҳсоли амрикоӣ бо як адад тирдон ва тирҳояш дарёфт ва мусодира карда шуд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.




Бозии тақдирсоз. Пагоҳ тими миллии футболи Тоҷикистон дар Ҳисор Филиппинро пешвоз мегирад
Аз ифтитоҳи чанд бинову корхона то нигаронӣ аз рушди саноат ва кори ташкилотҳои қарзӣ. Эмомалӣ Раҳмон дар Суғд кадом иншоотро ифтитоҳ кард ва чӣ гуфт?
Як соҳибкор дар Суғд барои таҷлили зодрӯзаш 117 ҳазор сомонӣ ҷарима шудааст
"Аудиокитоб" бо Субҳон Ҷалилов. Асари "Таърихи инқилоби Бухоро"-и Садриддин Айнӣ |Қисми 55
Трамп гуфтааст, ки мехоҳад нафти Эронро дар ихтиёр бигирад
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 30 марти соли 2026
Шахси калидӣ барои музокирот ё ходими содиқи низом. Муҳаммадбоқир Қолибоф кист?
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 29 марти соли 2026
Аз оғози кушторҳои пайдарпай дар Конибодом ду сол гузашт. Ангезаи кушторҳо чӣ буду гумонбарон чӣ ҷазо гирифтанд ва чанд кас кушта шуд?
Даргузашти Маҳмудхон Шоев, рӯзноманигор ва ректори пешини Донишкадаи омӯзгории Рашт
Кулли ахбор
Авторизуйтесь, пожалуйста