Созмони террористии Давлати исломӣ (фаъолияташ дар Тоҷикистон манъ аст) масъулияти ҳамла ба сайёҳони хориҷӣ дар Тоҷикистонро ба дӯш гирифт.

Бар асари ин ҳамла 4 нафар ба ҳалкоат расиданд. Дар ин бора SITE Intelligence Group-и амрикоӣ хабар медиҳад, ки фаъолияти иттилоотии ифротгароёнро пайгирӣ мекунад.

Рӯзи 29 июл автомашина як гурӯҳи сайёҳони хориҷии велосипедронро, ки дар Тоҷикистон сайру саёҳат доштанд, дар ноҳияи Данғара пахш намуд. Дар натиҷа ду шаҳрванди ИМА, як шаҳрванди Швейтсария ва як шаҳрванди Нидерланд ба ҳалокат расиданд Боз се сайёҳи дигар ҷароҳат бардоштанд.

Рӯзи 30 июл ҳангоми муқовимати мусаллаҳона нишон додан, се ҷинояткори дар ин ҳамла дастдошта кушта шуданд. Ба гумони даст доштан дар содир кардани ин ҷиноят боз якчанд нафари дигар боздошт шудаанд.