Истихбороти "Толибон" чанд тан аз кормандони шабакаи телевизиони "Тулуънеюс"-ро дар Кобул боздошт карда, ба ҷойи номаълуме бурдаанд. Дар ин бора расонаҳои Афғонистон хабар додаанд.
Нашрияи "8 субҳ" менависад, ки ин боздошт шоми рӯзи панҷшанбеи 17-уми март сурат гирифтааст ва неруҳои истихбороти "Толибон" се корманди ин шабакаро боздошт кардаанд.
Дар ҳамин ҳол, BBC хабар додааст, ки 15 фарди мусаллаҳи "Толибон" вориди дафтари кори "Тулуънеюс" дар Кобул шуда, Баҳром Амон гӯяндаи хабар ва муҷриb барномаҳои сиёсӣ, Хапалвок Софӣ, масъули барномаҳои хабарии ин телевизион ва як корманди дигари ин телевизионро боздошт карда? бо худ бурдаанд.
"Толибон" то кунун дар ин бора вокуниш накардаанд.
Дар пайи ин боздошт, Дафтари муовинати Созмони Миллали Муттаҳид дар Афғонистон (UNAMA) аз боздошти ин хабарнигорон изҳори нигаронӣ карда, онро "боздошти худсарона" номидааст.
UNAMA аз низомиёни мусаллаҳи "Толибон" хостааст, ки рӯзноманигорони боздоштшударо раҳо кунанд ва таъкид кардааст, ки бояд ба боздошту таҳдидҳо алайҳи хабарнигорон хотима дода шавад.
Дар ҳамин ҳол? гуфта мешавад, ки кормандони "Тулуънеюс" пас аз ҳамагонӣ шудани мактуби вазорати амри ба маъруф ва наҳӣ аз мункари "Толибон" боздошт шудаанд.
Пештар ин телевизион эълон карда буд, ки ин вазорат бо ирсоли як мактуб аз расонаҳои марбут ба "Моби групп" хоста аст, ки сериёлҳои хориҷиро дигар нашр накунанд.
Аммо "Тулуънеюс" пас аз як соати нашр ин хабари марбут ба мактубро аз саҳфаҳояш пок кард.
Телевизиони "Тулуънеюс" як телевизиони хусусии марбут ба гуруҳи расонаҳои "Моби групп" аст, ки яке аз шабакаҳои маъруфи хабарӣ дар ин кишвар бархе кишварҳои минтақа дониста мешавад.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
“Худам шоҳу табъам вазир?”. Мансабдороне, ки парвои интиқод надоранд
Эмомалӣ Раҳмон аз фориғболиву бемасъулиятии роҳбарони муассисаҳо, роҳбарони илмӣ ва докторантҳо гуфт
КОА беасос будани фошкориҳои “Диссернет”-ро собит накард. Интиқоди дубора ва шадиди Эмомалӣ Раҳмон аз асардуздии олимони тоҷик
Боз як ширкати Чин дар МОИ “Панҷ” неругоҳи барқи офтобӣ месозад
Таҳқиқи суқути чархболи Иброҳим Раисӣ. Мақомоти Эрон гузориши дуввуми худро нашр карданд
Чанд нафар ҷудокорони тоҷик ба Олимпиадаи Париж мераванд?
Дар семоҳаи аввали соли 2024 ҳудуди 22 ҳазор хориҷиён аз Русия хориҷ шуданд
Эъдоми қариб 1200 кас дар 16 кишвари ҷаҳон
Дар як кӯчаи Душанбе ҳаракати нақлиёт барои се моҳ маҳдуд мешавад
Баъди танқиди раиси Бохтар ду масъули маркази дилхушӣ 5 шабонарӯз ҳабс шуданд
Кулли ахбор
Авторизуйтесь, пожалуйста