Пас аз даҳ соати даргирии мусаллаҳона дар сарҳади Тоҷикистону Қирғизистон, Саймумин Ятимов ва Қамчибек Тошиев, раисони кумитаҳои амнияти миллии ду кишвар, мулоқот ва барои эълони оташбас мувофиқа кардаанд. Дар ин бора хадамоти матбуоти раиси вилояти Суғд хабар медиҳад.
Хадамоти матбуотии раиси вилояти Суғд бо нашри чанд акс аз раванди гуфтушунид навиштааст, ки гурӯҳи корӣ бо роҳбарии Саймумин Ятимов, раиси КДАМ-и Тоҷикистон ва Қамчибек Тошиев, раиси КДАМ-и Қирғизистон дар дидбонгоҳи гумрукии "Равод", дар сарҳади Тоҷикистону Ӯзбекистон вохӯрдаанд.
Гуфта мешавад, ки дар мулоқот ҳамзамон вазирони корҳои дохилии ду кишвар, раисони вилояти Суғди Тоҷикистон ва вилояти Ботканди Қирғизистон ширкат варзиданд.
Зимни гуфтушунид ҷонибҳо аз зарурати эълони оташбас изҳори назар намуданд. Ҷонибҳо ба мувофиқа расиданд, ки оташбас эълон карда шавад, - гуфта шудааст дар иттилоия.
Ҷониби Тоҷикистон аз замони мушаххаси оташбас иттилоъ намедиҳад.
Дар ҳамин ҳол, Хадамоти марзбонии Қирғизистон гуфтааст, ки ҷонибҳо ба мувофиқа расиданд, ки имрӯз, соати 16:00 бо вақти Бишкек ва 15:00 бо вақти Душанбе, тирпаронӣ қатъ карда шавад.
Ёдовар мешавем, ки субҳи имрӯз, 16-уми сентябр, якбора дар чанд минтақаи сарҳадии Тоҷикистону Қирғизистон даргирии нав рух дод, ки дар натиҷа як марзбони тоҷик кушта ва чанде захмӣ шуданд.
Мақомоти Қирғизистон аз захмӣ шудани 42 нафар хабар медиҳанд.
“Мадина” чӣ гуна занони бешавҳарро ба ҷои кор таъмин мекунад?
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Муҳлати ҳабси се узви оилаи Исломовҳо ва як шаҳрванди Қирғизистон низ тамдид гардид
Сангу чуб дар баробари танку туп. Эътирозгарон ба Толибон: посухи эътироз гулӯла нест!
Бонки осиёии рушд ба гумони ғолиб, дар маблағгузории сохтмони неругоҳи “Роғун” саҳм мегузорад
Имкони охирини муштзанҳои тоҷик барои дарёфти роҳхат ба Олимпиадаи Фаронса
“Се занро, аз ҷумла як ноболиғро ба никоҳаш даровардааст”. Боздошти як “қорӣ” бо гумони қаллобӣ
Миҷгона Маҳмадалиева аз Тоҷикистон дар ҳайати Кумитаи иҷроияи КФО. Бори нахуст дар Осиёи Марказӣ
Додгоҳи Маскав муҳлати ҳабси боз 4 гумонбари ҳамла ба “Крокус”-ро тамдид кард
Бар асари садама дар Ашт се нафар ба ҳалокат расиданд
Кулли ахбор
Авторизуйтесь, пожалуйста