Дар шаҳри Душанбе байни Додситонии кулли Тоҷикистон ва Эрон дар робита ба боздошту истирдоди ҷинояткорон ёддошти тафоҳум ба имзо расид ва акнун ҳарду кишвар шаҳрвандонеро, ки ҷиноят содир кардаанд, боздошт ва кишварҳои якдигар истирдод мекунанд.
Дар ин бора хабаргузории эронии “IRNA” бо такя ба Додситони кулли Эрон иттилоъ медиҳад ва менависад, ки ҳамкории ин ду ниҳод расман оғоз гардид.
Ба гуфтаи манбаъ, дар идомаи тавсеаи равобити қазоии ду кишвар ин ёддоштро Алӣ Акбар Бахтиёрӣ, раиси дафтари додситонии кулли Эрон ва Дилшод Талбакзода, муовини додситони кулли Тоҷикистон ба имзо расонидаанд.
Ин санад аз чаҳор банд тартиб дода шудааст ва аз рӯи он минбаъд байни додситониҳои кулли Тоҷикистон ва Эрон “табодули ахбору маълумот сурат гирифта, шаҳрвандоне, ки дар ин ду кишвар ҷиноят содир кардаанд, боздошту истирдод мешаванд”.
Ин тафоҳумнома рӯзи 12-уми июн ба имзо расидааст, аммо Додситонии кулли Тоҷикистон дар ин маврид иттилоъ пахш накардааст.
Дар ҳамин ҳол, хабаргузории “Фардо” иттилоъ медиҳад, ки Абдурраҳмон Аламшозода, муовини аввали вазири корҳои дохилии Тоҷикистон бо Аҳмад Воҳидӣ, вазири корҳои дохилаи Эрон ва Сайид Маҷид Мираҳмадӣ муовини ӯ оид ба масоили амниятӣ дар Теҳрон дидору гуфтугӯ кардааст.
Манбаъ менависад, ки дар ин мулоқот мавзӯъҳои тавсеаи равобити дуҷониба, таҳкими ҳамкориҳои амниятӣ, мубориза бо терроризм ва ҷиноятҳои созмонёфта, интиқоли зиндониён, табодули таҷриба ва омӯзиши пулис баррасӣ шуд.
Абдурраҳмони Аламшозода, муовини вазири умури дохилии Тоҷикистон гуфтааст, “бо ҷониби Эрон дар масъалаи мубориза бо фаъолиятҳои террористӣ, қочоқи маводи мухаддир ва қочоқи аслиҳа ҳамоҳангӣ ҳосил шуд”.
Ёдовар мешавем, ки рӯзи 8-уми июн Муҳаммад Ҷаъфар Мунтазирӣ, додситони кулли Эрон ба Тоҷикистон омада, бо Юсуф Раҳмон, додситони кулли Тоҷикистон мулоқот анҷом дода буд.
Додситонии кулли Тоҷикистон он вақт гуфта буд, ки “масъалаҳои ҳамкории мақомоти ду кишвар дар самти муборизаи муштарак бо ҷинояткорӣ, расонидани ёрии ҳуқуқӣ оид ба парвандаҳои ҷиноятӣ, истирдоди ҷинояткорон ва бозпас додани маҳкумшудагон”-ро баррасӣ мекунанд.
“Бе ноноварони хона зиндагӣ душвор аст”. Аз қазияи пурсарусадои “ҷанҷол бо милисаҳо дар Истаравшан” як сол гузашт.
Ҷаҳон ҳамлаи охири Исроил ба Рафаҳро маҳкум кард. Нетаняҳу онро “иштибоҳи ғамангез” унвон кард
“Самбӯсаи косагӣ”. Дар куҷо ва бо чӣ қимат метавон пайдо кард?
Мавқеи Тоҷикистон дар “Шохиси шаффофияти буҷет”-и Шабакаи байналмилалии буҷетӣ беҳтар шудааст
“Ҳуҷҷату хона надорем, куҷо худро дар қайд гузорем?”. Боздошту ҷаримаи шахсони бесарпаноҳ дар Суғд
Султон Валиев - вакили пешини парлумону раиси Ховалингу Восеъ даргузашт
Владимир Путин гуфт, робита бо Толибон зарур аст
Матвиенко муовини сарвазири Тоҷикистонро ба Форуми авруосиёии занон ба Петербург даъват кард
Дар Душанбе намояндагии Хадамоти шиносномавӣ - раводидии ВКД Русия боз шуд. Ин ба муҳоҷирони кории тоҷик чӣ медиҳад?
Дар Тоҷикистон боз раъду барқу борони сел дар назар аст
Кулли ахбор
Авторизуйтесь, пожалуйста