Вазъи саломатии Олимҷон Абдуллоев, омӯзгоре, ки ба иттилои мақомоти тоҷик дирӯз, 7-уми май, дар пайи муноқишаи навбатӣ дар сарҳади Тоҷикистону Қирғизистон аз пояш захм бардошта, бистарии беморхона гардид, муътадил арзёбӣ мешавад.
Зумрад Муталибзода, муовини раиси ноҳияи Ҷаббор Расулов, минтақае, ки муаллим Олимҷон Абдуллоев иқомат дорад, ба “Азия-Плюс” иттилоъ дод.
Ӯ гуфт, “муаллим зери назорати духтурон аст ва табобат мегирад. Ваъи ӯ муътадил аст ва ба иттилоъ духтурон, эҳтимол пагоҳ ба хонааш рухсат шавад”.
Кӯшишҳои мо барои суҳбат бо худи муаллим ва наздикони ӯ бесамар анҷомид. Духтурони беморхонае, ки Олимҷон Абдуллоев бистарӣ аст, низ аз суҳбат бо мо худдорӣ карданд.
Ёдоҷвар мешавем, ки дирӯз, 7-уми май, дар марзи Тоҷикистону Қирғизистон тирпаронии навбатӣ рух дод ва мақомоти расмии ду кишвар ҳодисаро ба таври гуногун шарҳ доданд.
Ба гуфтаи КДАМ-и Тоҷикистон, ин ҳодиса тахминан соати 11:00 ба вақти маҳаллӣ дар ҳудуди Тоҷикистон рух дод ва марзбонони Қирғизистон ба сӯи Олимҷон Абдуллоев тир паронидаанд. Аммо ҷониби Қирғизистон иддао дорад, ки сарбозонаш ба сӯи ҳаво тири ҳушдордиҳанда паронидаанд.
Ҷузъиёти ин ҳодисаро дар матлаби “Дар пайи тирпаронӣ дар марзи Тоҷикистону Қирғизистон як омӯзгори тоҷик захмӣ шуд. Тафсилоти пурраи ҳодиса” мутолиа кунед.
“Бе ноноварони хона зиндагӣ душвор аст”. Аз қазияи пурсарусадои “ҷанҷол бо милисаҳо дар Истаравшан” як сол гузашт.
Ҷаҳон ҳамлаи охири Исроил ба Рафаҳро маҳкум кард. Нетаняҳу онро “иштибоҳи ғамангез” унвон кард
“Самбӯсаи косагӣ”. Дар куҷо ва бо чӣ қимат метавон пайдо кард?
Мавқеи Тоҷикистон дар “Шохиси шаффофияти буҷет”-и Шабакаи байналмилалии буҷетӣ беҳтар шудааст
“Ҳуҷҷату хона надорем, куҷо худро дар қайд гузорем?”. Боздошту ҷаримаи шахсони бесарпаноҳ дар Суғд
Султон Валиев - вакили пешини парлумону раиси Ховалингу Восеъ даргузашт
Владимир Путин гуфт, робита бо Толибон зарур аст
Матвиенко муовини сарвазири Тоҷикистонро ба Форуми авруосиёии занон ба Петербург даъват кард
Дар Душанбе намояндагии Хадамоти шиносномавӣ - раводидии ВКД Русия боз шуд. Ин ба муҳоҷирони кории тоҷик чӣ медиҳад?
Дар Тоҷикистон боз раъду барқу борони сел дар назар аст
Кулли ахбор
Авторизуйтесь, пожалуйста