Имрӯз президенти Тоҷикистон Эмомалӣ Раҳмон дар маҷлиси ботантана бахшида ба таҷлили ҷашни 60-умин солгарди таъсиси Академияи улуми Тоҷикистон, ки дар Театри давлатии академии опера ва балети ба номи Садриддин Айнӣ доир гард, иштирок ва суханронӣ намуд.
Тавре ба ОИ «Азия-Плюс» аз хадамоти матбуоти сарвари давлат иттилоъ доданд, Эмомалӣ Раҳмон олимони ҷумҳуриро бо ин санаи фархунда табрику таҳният гуфта, аз онҳо даъват ба амал овард, ки ҳарчи бештар ба ҷорисозии дастовардҳои илми тоҷик ба рушди иқтисод, саноат ва дигар бахшҳои истеҳсолот таваҷҷӯҳи ҷиддӣ зоҳир созанд. Дар суханронии сарвари давлат ҳамчунин густариши робитаҳои байнулмилалии илмӣ низ таъкид гардид.
Бино ба иттилои манбаъ, дар маҷлиси ботантана натанҳо намояндагони аҳли илму зиё, эҷодкорон ва ҳунармандони пойтахт, балки тамоми манотиқи кишвар гирдиҳам омаданд.
Пас аз маҷлиси ботантана консерти пуршукӯҳи устодони ҳунари Тоҷикистон баргузор гардид.
Ёдрас мекунем, ки Академия улуми Тоҷикистон соли 1951 дар заминаи филиали тоҷикистонии Академияи улуми Иттиҳоди Шӯравӣ таъсис дода шуд. Соли 1991 аз 3 шӯъба ва 19 муассисаи илмӣ иборат буд.
Моҳи сентябри соли гузашта сарвари давлат Эмомалӣ Раҳмон қарори ҳукуматро дар бораи ислоҳоти сохтори Академияи улуми кишвар ба имзо расонид.
Мутобиқи қарори мазкур, як қатор воҳидҳои ва сохторҳои тобеъи Академияи улум муттаҳид гардиданд. Ҳамчунин шумори ҳайати шахсии Президиуми Академияи улуми ҶТ аз 11 то 9 нафар ва ҳайати шахсӣ (штат)-и Академияи улум аз 70 то 50 нафар кам карда шуд.
Сокини Конибодом ба ташкили муҳоҷирати ғайриқонунӣ ба Украина гумонбар мешавад
Далер Назаров: “Агар шеър менавиштам, мехостам чун Лоиқ нависам...”
Ато Мирхоҷа: “Адибони тунуквиҷдон сабаби пайдоиши “шоирону нависандагон”-и қаллоб шуданд”
Кор дар Қатар. Вазорати меҳнат бори дигар рӯйхати касбу ихтисосҳои зарурро нашр кард
Рушди ҳукумати электронӣ. Тоҷикистон дар Осиёи Марказӣ дар мақоми охир қарор дорад
Байни Хуҷанд ва Новосибирск боз ҳаракати автобусҳо оғоз мешавад
Душанбе: аввалин универмаг, автобус ва ҳайкал кай пайдо шуд?
Ваъдаи 200 ҳазор сомонӣ мукофотпулӣ аз сӯи мақомот барои кумак дар ошкор кардани ду ҳодисаи куштор
“Аудиокитоб” бо Субҳон Ҷалилов. Маснавии маънавӣ. Ҳикояи “Тавбаи насӯх”
Дар муқоиса бо моҳи январи соли 2024 нархи маҳсулоти хӯрокворӣ чӣ гуна тағйир ёфт?
Кулли ахбор
Авторизуйтесь, пожалуйста