Санаи 30 ноябри соли равон дар Маркази ҷавонони ба номи Лоиқ Шералии маркази вилоят аз ҷониби Сарраёсати Агентии давлатии ҳифзи иҷтимоӣ, шуғли аҳолӣ ва муҳоҷират дар вилоят ярмаркаи умумишаҳрии ҷойҳои кори холӣ ва вазифаҳои озод гузаронида мешавад.

Тавре аз хадамоти матбуоти раиси вилояти Суғд хабар доданд, дар ярмарка бо саҳмгузории корхонаю муассисаҳо ташкилотҳо, марказҳои таълимии  шаҳру ноҳияҳои Ҳуҷанд, Қайроққум, Ҷкалов, Б.Ғафуров, Ҷ.Расулов ва Спитамен ва субектҳои хоҷагидорӣ, ки барои фиристонидани шаҳрвандон ба хориҷӣ кишвар иҷозатнома доранд, иштирок мекунанд.

Ба иттилои манбаъ, ярмаркаи мазкур тибқи «Барномаи мусоидат ба шуғли аҳолии Ҷумҳурии Тоҷикситон барои солҳои 2010 - 2011» доир мегардад.