Намояндаи Вазорати корҳои хориҷии Ҷумҳурии Тоҷикистон ба Раиси Раёсати Бонки давлатии амонатгузории Ҷумҳурии Тоҷикистон «Амонатбонк» Гулнора Ҳасанова медали ифтихорӣ ва ҷашнии «10 солагии Созмони Ҳамкориҳои Шанхай»-ро расонид. Мукофоти мазкур барои хизматҳои шоиста ва саҳми беназир дар ташкилу фаъолият дар созмони мазкур аз тарафи Котиботи генералии СҲШ, ки дар ҳоли ҳозир Ҷумҳурии Қазоқистон онро ба зима дорад, мукофотонида шудааст.

Тавре аз хадамоти матбуоти ва рекламаи БДА «Амонатбонк» хабар доданд, БДА ҶТ «Амонатбонк» намояндагии Ҷумҳурии Тоҷикистонро дар Иттиҳодия байнибонкии СҲШ чанд сол ин ҷониб ба ӯҳда дорад. Тӯли солҳои намояндагии Амонатбонк ҳамкориҳо дар доираи созмони мазкур рушд ва вусъати тоза гирифта, як идда корҳои назаррас бо мамолики аъзои ин созмон рӯи кор омаданд. Аз ҷумла ҳамкориҳо бо яке ташкилотҳои молиявии Ҷумҳурии Мардумии Чин – Бонки давлатии рушди Чин дар чанд соли охир хеле хуб ва самарабахш мебошад.

Маҳз тавассути ҳамкориҳо дар доираи СҲШ имрӯз як зумра пружаҳои инвеститсионӣ, сармоягузориҳо ба соҳаҳои муҳими хоҷагии халқ дар ҷумҳурӣ пиёда мешаванд. Қисмати муҳим ва назарраси ин лоиҳаҳо тавассути Амонатбонк дар кишвар, сурат мегирад.