Имрӯз дар Хадамоти муҳоҷирати назди Ҳукумати Ҷумҳурии Тоҷикистон бахшида ба Рӯзи Модарон 8-уми Март чорабинии идона доир гардид.

Тавре аз Маркази матбуоти хадамоти мазкур хабар доданд, сардори Хадамоти муҳоҷират тамоми занону бонувони ин ниҳодро ба ифтихори Рӯзи Модарон аз самими қалб табрику таҳният гуфта, барояшон зеботарин ва олитарин мақоми модаронаро дар зиндагӣ таманно намуд.

Аз ҷумла, қайд кард, ки занон барҳақ чашмаи софу зулол ва хушкнашавандаи ҳаёт ҳастанд ва чун гулҳои зебою нозанини баҳор, рӯзгори моро муаттару мунаввар мегардонанд ва ҳамзамон нуру зиё мебахшанд.

 Дар анҷоми ҷамъомад, ба занон ва бонувони Хадамот тӯҳфаҳои идона тақдим гардид.