Дар ярмаркаи навбатии ҷойҳои кории холӣ дар боғи фарҳангу фароғати шаҳри Кӯлоб 203 ҷойи корӣ пешниҳод шуд.

Бино ба гуфтаи сардори Раёсати хадамоти шуғли аҳолии шаҳри Кӯлоб Махфират Каримова, корхонаҳои хурди саноатӣ ба 34 нафар, ташкилотҳои сохтмон ба 21 коргари соҳибтахассус ниёз дошта, дигар ҷойҳои кории холӣ аз ҷониби мақомоти бахши маориф, тандурустӣ ва фарҳанг пешниҳод гардиданд.

М.Каримов мегӯяд, феълан дар шаҳри Кӯлоб 147 нафар бекорон кӯмакпулӣ мегиранд, ки 95 нафарашон чанде қабл мавриди афв қарор гирифта, аз маҳбас озод шудаанд.

Тавре ба ОИ «Азия-Плюс» сардори Раёсати Агентии ҳифзи иҷтимоӣ, шуғл ва муҳоҷирати минтақаи Кӯлоби вилояти Хатлон Сайдаҳмад Пиров хабар дод, соли равон дар 10 ноҳияи минтақа барои гирифтани мақоми бекор 6331 нафар муроҷиат карда, аз ин шумор 941 нафар бо ҷойи кор таъмин ва 1089 нафар мақоми расмии бекор бо пардохти кӯмакпулиро соҳиб шудаанд.