Иҷлосияи ёздаҳуми Маҷлиси вакилони халқи шаҳри Душанбе рӯзи 15-уми ноябр дар КВД «Маркази равобити пойтахт» доир мегардад.

Тавре ба ОИ «Азия-Плюс» як манбаъ аз мақомоти шаҳрдории пойтахт иттилоъ дод, бо қарори раиси шаҳри Душанбе Маҳмадсаид Убайдуллоев, ба рӯзномаи иҷлосия масоили баррасии ҳисоботи муовини аввали раиси пойтахт ва ҳисоботҳои раисони ноҳияҳои шаҳри Душанбе дар бораи иҷрои қарорҳои қаблан қабулшудаи Маҷлиси вакилони халқ доир ба амалисозии барномаҳои иқтисодиву иҷтимоӣ ва иҷрои буҷети шаҳр дар зарфи 9 моҳи соли ҷорӣ ворид шудааст.

Ба иттилои манбаъ, раиси пойтахт аз вакилони Маҷлиси шаҳр дархост кард, ки дар ҳавзаҳои интихоботии худ бо аҳолӣ вохӯриҳо баргузор намуда, аз рӯи натиҷаҳои он барои ба рӯзномаи иҷлосия ворид кардани масоиди дигар пешниҳодот омода созанд.