Маълумоти интишорнамудаи Кумитаи байнидавлатии омори Иттиҳоди Давлатҳои Мустақил дар бораи музди меҳнати миёна дар пойтахти кишварҳои узви ИДМ (дар % ба музди меҳнат дар саросари кишвар) тафовути сатҳи зиндагии сокинони пойтахтҳо ва манотиқи дигари давлатҳоро бозгӯ мекунад.

Дар масъалаи тафовути даромадҳо миёни сокинони пойтахт ва манотиқи дигари кишвар миёни кишварҳои узви ИДМ шаҳри Душанбе «пешсафи мутлақ» аст. Даромади сокинони шаҳри Душанбе нисбат ба аҳолии минтақаҳои дигари Тоҷикистон каме бештар аз 2 маротиба зиёдтар будааст (нишондиҳанда ба 214,4% баробар аст).

Ин нишондиҳанда ҳатто аз сокинони шаҳри Маскав низ зиёдтар аст. Даромади сокинони шаҳри Маскав дар муқоиса бо даромади миёнаи аҳолӣ дар Русия ба андозаи 72,8% бештар аст.

Ин нишондиҳанда дар шаҳрҳои Остона – 143,5%, Бишкек – 132,8%, Боку – 141%  ва Ереван – 109,5-ро ташкил медиҳад.