Миёни кишварҳои минтақаи Осиёи Марказӣ Тоҷикистон аз рӯи шумори масҷидҳои расман сабтшуда пешсаф аст.

Бино ба иттилои агентии иттилоотии эронии Форс бо такя ба гуфтаҳои сардори Раёсати умури дини Қазоқистон Ғайрат Шариф, аҳолии Тоҷикистон ҳудуди 8 млн. нафарро ташкил дода, дар он 3 ҳазору 938 масҷид расман ба қайд гирифта шудааст.

Ба иттилои манбаъ, дар Қазоқистон бо шумори аҳолии ҳудуди 17 млн. нафар 2 ҳазору 228 масҷид, дар Ӯзбекистон бо аҳолии наздики 30 млн. нафар - 2 ҳазору 50 масҷид, Қирғизистон бо аҳолии 5,5 млн. нафар – 2 ҳазору 200 масҷид ва дар Туркманистон бо аҳолии беш аз 5 млн. нафар – 400 масҷид расман ба қайд гирифта шудааст.