Мақомоти шаҳрдории Душанбе барои аз нав таҷҳизонидани телевизиони «Пойтахт» наздики 100 ҳазор доллари ИМА ҷудо мекунад.

Дар робита ба ин раҳбари шабакаи телевизиони «Пойтахт» Абдуқодири Абдуқаҳҳор ба ОИ «Азия-Плюс» гуфт, шаҳрдорӣ барои харид ва насби дастгоҳи фиристандаи Муассисаи давлатии телевизиони «Пойтахт» тендер эълон кардааст.

«Харид ва насби дастгоҳи фиристанда қадами аввалинест барои пурра ба пахши рақами гузаштани шабака», - зикр кард директори ТВ «Пойтахт.

Абдуқодири Абдуқаҳҳор ҳамчунин изҳор намуд, ки имрӯз барномаҳои ТВ «Пойтахт»-ро, ки муассисаш шаҳрдории Душанбе мебошад, наздики 2 млн. сокинону меҳмонони пойтахт ва навоҳии атрофи шаҳри Душанбе тамошо мекунанд.