Ба муносибати фарорасии идҳои Рӯзи Модар ва Наврӯз ва дар ин робита бо мукофоти пулӣ қадрдонӣ кардани кормандони хадамоти коммуналии пойтахт аз ҳисоби занон аз фонди захиравии раиси шаҳри Душанбе Маҳмадсаид Убайдуллоев 1 млн. 182 ҳазору 100 сомонӣ ҷудо карда шуд.

Бино ба иттилои хадамоти матбуоти мақомоти шаҳрдории Душанбе, мутобиқи қарори раиси пойтахт, ба ҳар кадоме аз коргарзанони хадамоти коммуналии шаҳр дар ҳаҷми 700 сомонӣ, 14 нафар занони собиқадор – 600 сомонӣ, 13 нафар фаъолзанон – 600 сомонӣ ва 82 нафар коргарзанони мақомоти шаҳрдорӣ ва мақомоти маҳаллии ҳокимияти давлатии пойтахт – 500 сомонӣ мукофотпулӣ тақдим хоҳад шуд.

Зимнан зикр гардид, ки муовинони раиси пойтахт ва раисони шаҳру навоҳӣ ҷиҳати таъмини дастрас гардонидани маблағҳои ҷудогардида тариқи суроғавӣ ба шахсони тибқи рӯйхат муқарраргардида дар фазои тантанавӣ вазифадор шудаанд.