Дар дафтари Созмони амнияту ҳамкории Аврупо (САҲА) дар Душанбе таҳти унвони «Нақши масҷид дар ҷомеаи Тоҷикистон» кори мизи гирд шурӯъ шуд.

Чорабинӣ аз ҷониби медиа-холдинги «Азия-Плюс» бо дастгирии САҲА созмон дода шуда, ҳадафи аслии вохӯрӣ муайян кардани нақши масҷидҳо дар ҷомеаи Тоҷикистон, арзёбии фаъолияти онҳо дар масоили пешгирии афзоиши тундгароӣ ва ифротгароӣ дар ҷомеа ва мушаххас намудани кӯмаки ҷомеа ба имом-хатибон дар ин самт аст.

Дар кори мизи гирд олимони маъруф, коршиносон, намояндагони мақомоти давлатӣ ва ҳамчунин намояндагони созмонҳои ҷамъиятӣ иштирок доранд.