Имрӯз ба қисмати зиёди шаҳри Душанбе интиқоли оби нӯшокӣ муваққатан қатъ мегардад.

Чӣ тавре ки ба ОИ «Азия-Плюс» сухангӯи раиси пойтахт Шавкат Саидов хабар дод, аз соати 05-00 то соати 17-00-и имрӯз таъминоти оби нӯшокӣ (аз канали дериватсионӣ истифодашаванда) дар ноҳияи Исмоили Сомонӣ ба пуррагӣ ва дар ноҳияҳои Шоҳмансур, Сино, Фирдавсӣ қисман қатъ мегардад.

«Қатъи мувақкатии интиқоли оби нӯшокӣ ба ҳодисаи ғарқшавии як ҷавони 18-сола ду рӯз қабл ва боздоштани кори канали дериватсионӣ, ки пойтахтро бо оби нӯшокӣ таъмин мекунад, марбут аст», - иброз дошт Ш.Саидов.

Ба гуфтаи ӯ, дар ин робита раиси пойтахт Маҳмадсаид Убайдуллоев ба раисони шаҳр супориш додааст, ки бо истифода аз мошинҳои обкашӣ  сокинони  минтақаҳои беобмондаро бо оби нӯшокӣ таъмин намоянд.

«Раиси шаҳр Ситод оид ба ҳолатҳои фавқулодда ва мудофиаи граждании шаҳри Душанберо муваззаф сохт, ки то соати 12-у 20 дақиқаи рӯз корҳои ҷустуҷӯи шаҳрванди ғарқшударо ба анҷом расонанд», - афзуд сухангӯйи раиси пойтахт.