Имрӯз, 1-уми август дар муассисаҳои маълумоти олии Тоҷикистон имтиҳоноти дохилшавӣ шурӯъ шуданд.

Тавре ба ОИ «Азия-Плюс» сардори Раёсати маълумоти олӣ ва баъдидипломии Вазорати маорифи ҶТ Сафарбой Расулов иттилоъ дод, соли равон 37 муассисаи олии Тоҷикистон метавонанд  37,5 ҳазор донишҷӯёнро ба таҳсил фаро гиранд.

Ба гуфтаи Расулов, мувофиқи маълумотҳои қаблӣ, муассисаҳои олии Тоҷикистон ҳуҷҷатҳои 36 ҳазор довталабонро кабул кардаанд. «Дар маҷмӯъ, соли ҷорӣ барои сокинони навоҳии дурдасти кишвар  1 ҳазору 220 квотаи президентӣ ҷудо карда шудааст, ки аз он 628-тоаш барои духтарон пешбинӣ шудаанд», - иброз дошт ӯ.

Номбурда ҳамчунин изҳор кард, ки соли равон ягон муассисаи олии Тоҷикистон нарх дар гурӯҳҳои шартномавиро боло набурдааст.

Қобили зикр аст, ки соли равон мактабҳои таҳсилоти умумии ҷумҳуриро 109 ҳазору 527 нафар толибилмон хатм намуданд. ки довталабони асосӣ ба шумор мераванд.