Дар махаллаи чаҳоруми маркази маъмурии вилояти Суғд бо иштироки раиси шаҳри Хуҷанд Раҷаббой Каримов эҳтиёҷмандон тариқи қуръапартоӣ ҷойи манзили худро муайян намуданд.

Бино ба иттилои сомонаи расмии ҳукумати шаҳри Хуҷанд, дар баробари табрикоти сокинон бо манзили нав, кулли иштирокдорони ин чорабиниро раиси шаҳри Хуҷанд бо фарорасии Иди Фитр табрик намуд.

Ба иттилои манбаъ, мувофиқи нақшаи генералӣ дар маҳалли мазкур бунёди биноҳои бисёрошёна, мактаб, муассисаҳои тиббӣ, ду боғчаи кӯдакона ва бунёди кӯчаҳои зебои замонавӣ пешбинӣ шудааст. Дар баробари қомат рост кардани хонаҳои истиқоматӣ дигар иншоотҳои  зарурӣ сохта хоҳанд шуд.

Бояд зикр намуд, ки аз 3500 нафар дар навбати манзил будагон то имрӯз 1500 нафар  сокинони шаҳри Хуҷанд бо қитъаҳои наздиҳавлигӣ таъмин гаштанд.