Хадамоти федералии муҳоҷирати Русия маълумот дар бораи шаҳрвандони хориҷии дар қаламрави кишвар қарордоштаро аз руи синнусол ба санаи ахири моҳи августи соли равон нашр кард.

Бино ба маълумоти Хадамот, ахири тобистони соли равон аз аҳолии қариб 8 млн. нафараи Тоҷикистон ҳудуди 1 млн. 230 ҳазор нафарашон дар қаламрави Русия қарор доштанд, ки каме бештар аз 1 млн. 52 ҳазор нафарашонро мардон ва 177 ҳазор нафарашонро занон ташкил додаанд.

Аз ҷумла, ба санаи ахири моҳи август 86 361 нафар шаҳрвандони тоҷики ҷинси марди то 17-сола, 531 188 нафар – аз 18 то 29-сола, 245 141 мардони аз 30 то 39-сола, 143 174 нафар – аз 40 то 49-сола, 41 590 нафар – аз 50 то 59-сола ва 4 841 нафар –аз синни 60-сола болотар дар қаламрави Русия қарор доштаанд.

Шумори занони тоҷики ба аввали тирамоҳ дар қаламрави Русия қарордоштаро 34 263 нафар – то 17-сола, 62 303 нафар - аз 18 то 29-сола, 45 010 нафар– аз 30 то 39-сола, 24 749 нафар – аз 40 то 49-сола, 8 089 нафар – аз 50 то 59-сола ва 2  615 нафар – аз 50сола боло ташкил додаанд.