Зимни суханронии имрӯза дар Донишгоҳи славянии Русияву Тоҷикистон раиси Думаи давлатии Русия Сергей Наришкин изҳор намуд, ки дар Русия шаҳрвандони Тоҷикистон метавонанд барои се сол иҷозатномаи кор гиранд. С.Наришкин бо сафари расмӣ дар Тоҷикистон қарор дорад.

Ӯ зикр кард, ки мушкилоти муҳоҷирати меҳнатӣ яке аз масоили муҳим дар Русия ба шумор рафта, мутаносибан ба мақомоти дахлдори ҳарду кишвар ҳалли муштараки ин масъалаҳо зарур аст.

Ба қавли Наришкин, дар дидору гуфтушуниди ӯ бо раисони ҳарду палатаи парлумони Тоҷикистон низ ба масъалаи муҳоҷират таваҷчуҳ зоҳир шуда, ғайр аз ин, имрӯз дар Душанбе вохӯрии роҳбарони хадамоти муҳоҷирати ҳарду кишвар баргузор мешавад.

Тибқи маълумоти гуногун, айни замон дар қаламрави Русия аз 1 то 1,5 млн. нафар муҳоҷирони кории тоҷик қарор доранд. Айни замон муҳлати иҷозати кор барои шаҳрвандони тоҷик дар Русия аз 3 моҳ то 1 солро ташкил медиҳад.