«Тоҷикстандарт» ба тарбиятгирандагони мактаб-интернати ноҳияи Ҷалолиддини Румӣ сарулибоси гарм туҳфа кард.

Бино ба гуфти директори маркази стандартизатсия, метрология ва нозироти савдои Қӯрғонтеппа Икромиддин Валиев, дар арафаи соли нави милодӣ корхонаи онҳо ба тарбиятгирандагони мактаб - интернати ноҳияи Ҷалолиддини Румӣ ба маблағи умумии 10 ҳазор сомонӣ сарулибоси гарм тақдим карданд.

«Корхонаи мо,  ки ин мактаб-интернатро парасторӣ мекунад, дар арафаи тамоми иду ҷашнҳо мо ба тарбиятгирандагони ин мактаб-интернат кумакҳои молӣ мерасонем», - иброз дошт ӯ.

Ба гуфтаи ӯ, ҳамчунин барои тарбиятгирандони мактаб-интернати номбурда туфаҳои солинавӣ низ тақдим карда шуд. «Баъдан дар рӯзҳои соли нав ният дорем, барои онҳо дастурхони идона ташкил намуда, хотирашонро болида намоем»,- илова намуд Валиев.

Як манбаъ аз ноҳияи Вахш хабар дод, ки раиси вилояти Хатлон Давлатшо Гулмаҳмадов ният дорад шахсан ба тарбиятгирандагони мактаб-интернати ноҳияи Вахш кумаку туҳфаҳои солинавӣ супорад.

Бояд ёдовар шуд, ки раиси вилоят дар як ҷаласа ба ташкилоту идораҳои давлати супориш дода буд, ки дар арафаи соли нав ба мактаб-интернатҳо, маъюбон, оилаҳои камбизоат ва иштирокчиёни ҶБВ кумаки хайрия расонанд.