Аввали соли равон дар шаҳри Исфараи вилояти Суғд 6 иншооти нави таъиноти иҷтимоиву саноатӣ мавриди истифода қарор дода шуданд.

Тавре ба ОИ «Азия-Плюс» котиби матбуотии раиси шаҳри Исфара Иқбол Тешаев хабар дод, ин корхонаҳои нав – корхонаи истеҳсоли пойафзоли «Исфара Шуз» бо иқтидори солонаи истеҳсоли 100 ҳазор ҷуфт пойафзол, 2 корхонаи коркарди хушкмева, корхонаи дӯзандагӣ, нахустин манзили зисти 6-ошёна дар шаҳр ва кӯдакистони хусусӣ барои 120 нафар кӯдакон мебошанд.

«Соли гузашта корхонаҳои саноатии шаҳри Исфара ба маблағи умумии 195,9 млн. сомонӣ маҳсулот истеҳсол карданд, ки дар қиёс бо соли 2012 ба миқдори 32,5 млн. сомонӣ зиёдтар аст», - иброз дошт Тешаев.

Ба гуфтаи ӯ, соли гузашта дар шаҳри Исфара 11 корхонаҳои саноатии нав мавриди баҳрабардорӣ қарор гирфтанд.

Қобили зикр аст, ки соли 2013 аз ба 110 ҳазор нафар расидани шумори аҳолии шаҳри Исфара ва майдони умумии 5 ҳазору 9 гектарро фаро гирифтани қаламрави шаҳр интизорӣ меравад.