Раиси шаҳри Душанбе Маҳмадсаид Убайдуллоев фаъолияти ситоди шаҳрӣ оид ба бартараф кардани оқибатҳои барфрезии шадидро ба роҳбарӣ гирифт.

Котиби матбуотии раиси шаҳри Душанбе Шавкат Саидов ба ОИ «Азия-Плюс» дар ин робита иттилоъ дод, ки ситоди шаҳрӣ баҳри тозакнуии роҳҳои мошингард ва пиёдараҳҳои кӯчаву хиёбонҳо аз барф тамоми техникаи коммуналии дар ихтиёри мақомоти шаҳрдорӣ қарордоштаро сафарбар кард.

«Ба ҷуз ситоди умумишаҳрӣ, дар тамоми ноҳияҳои шаҳр таҳти раҳбарии раисони ноҳияҳо ситодҳои маҳаллӣ низ фаъолият доранд», - иброз дошт Саидов.

Ба гуфтаи ӯ, раиси пойтахт дастур додааст, ки дар мавсими зимистон барои рафъи оқибатҳои барфрезӣ ва дигар ҳолатҳои фавқулода навбатдории шабонарӯзии роҳбарони раёсатҳои мақомоти шаҳрдорӣ, раисони ноҳияҳо ва хадамоти коммуналӣ ташкил карда шавад.

«Мақомоти шаҳрдорӣ ҷиҳати огаҳии саривақтӣ аз вазъ бо интиқоли мунтазами нерӯи барқ, таъминот бо оби нӯшокӣ ва маҳсулоти ғизойӣ, бо муассисаҳои тандурустӣ, маориф, мактаб-интернатҳо ва раисони шӯрои маҳаллаҳо дар тамоси доимӣ аст», - афзуд сухангӯи раиси пойтахт.