Ба муносибати таҷлили ҷашни Рӯзи пойтахт имрӯз дар шаҳри Душанбе ниммарафони панҷуми анъанавии байнулмилалӣ доир мегардад.
Бино ба иттилои мақомоти шаҳрдории пойтахт, барои дар сатҳи зарурӣ баргузор кардани ниммарафони байнулмилалӣ аз буҷети шаҳр беш аз 220 ҳазор сомонӣ (зиёда аз 40 ҳазор $) маблағ ҷудо шудааст.
Тибқи қарори раиси пойтахт, дувоздаҳ нафар ғолибони мусобиқа – 6 нафар мардон ва 6 нафар занонро мукофотҳои пулӣ интизор аст. Ғолибони ниммарафон ҳам миёни мардону ҳам миёни занон бо 3,5 ҳазор $, соҳибони зинаи дуюм – 3 ҳазор $, сеюм – 2,5 ҳазор $, чорум – 2 ҳазор $, панҷум – 1,8 ҳазор ва шашум бо 1,5 ҳазор $ мукофотпулӣ сарфароз гардонида мешаванд.
Иштирокчиёни синнусоли 8-10-сола дар масофаи 3 км, 10-12-сола дар масофаи – 5 км, 12-15-сола – 8 км ва синнусоли аз 15-сола боло дар масофаи 21 км 97 метр қувваозмоӣ мекунанд. Давидан тибқи хатсайри пешбинишуда тариқи дидбонгоҳи БДА-и «Чорбоғ» дар шимоли пойтахт сурат гирифта, дар майдони Дӯстӣ»-и пойтахт ба итмом мерасад.
Ҳамчунин имрӯз бахшида ба Рӯзи пойтахт дар «Душанбе-Плаза» бо иштироки раиси пойтахт Маҳмадсаид Убайдуллоев ҷамъомади ботантана доир мегардад. Дар ин ҷамъомад ба ғолибони як қатор озмунҳои шаҳрӣ ҷоизаву мукофотҳо тақдим карда мешавад.
Натиҷаҳои озмунҳои шаҳрӣ рӯзи 18-уми апрел эълон шуда буданд.




“Хокаи ангишт ба ҷойи ангишт”. Шикояти сокинони Суғд аз гароншавии нархи ангишт
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 21 декабри соли 2025
Ҳабси Иқбол Солиев, табибе аз Ӯзбекистон, ки гӯё беморонро бо ламсу молиш “табобат” мекард
Эмомалӣ Раҳмон қонуни мақоми омӯзгорро имзо кард. Акнун шаъну шарафи омӯзгор ҳифз мешавад?
Зиёратгаҳи риндони ҷаҳон. Чашмандоз ба рӯзгору осори дилангези Ҳофизи Шерозӣ ва оромгоҳаш дар Эрон
Эмомалӣ Раҳмон дар Ҷопон. Имзои қариб 20 санади нав ва даъват аз ширкатҳои ҷопонӣ барои азхудкунии конҳо ва таъсиси корхонаҳои муштарак
Тоҷикистону Қазоқистон ният доранд, гардиши молу маҳсулотро то ба $2 млрд расонанд
Ҳушдори ҳавошиносон: Се рӯзи оянда дар кишвар борону барфи пуршиддат меборад
Аввалин тоҷики фотеҳи қуллаи “Исмоили Сомонӣ”. Маҳмурод Ашӯров чаро Назирбибиро меҷӯяд?
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 20 декабри соли 2025
Кулли ахбор
Авторизуйтесь, пожалуйста