Дар минтақаи шимоли Тоҷикистон ҳодисаҳои азҳампошии оилаҳо рӯ ба афзоиш мениҳанд.

Роҳбари шуъбаи сабти асноди ҳолати шаҳрвандӣ (САҲШ)-и вилояти Суғд Муқаддам Ҳошимова ба «Азия-Плюс» дар ин робита иттилоъ дод, ки дар зарфи 5 моҳи сипаришудаи соли равон 1 ҳазору 661 ҳодисаи ҷудошавии оилаҳо ба қайд гирифта шудааст, ки дар муқоиса бо ҳамин давраи соли гузашта 215 ҳолат зиёдтар аст.

Ба қавли Ҳошимова, аз шумори умумии ин ҳодисаҳо 964 оила бо қарори суд, 667 ҳамсарон бо розигии тарафайн ва 10 оила бинобар сабаби дар маҳбас қарор доштани яке аз ҳамсарон ҷудо шудаанд.

Бино ба маълумоти омории САҲШ вилояти Суғд, ҳодисаҳои азҳампошии оилаҳо бештар дар ноҳияи Бобоҷон Ғафуров – 224, Конибодом – 178, Исфара – 167, Ашт – 136, шаҳри Хуҷанд – 143 ва Ашт – 136 ҳолат ба қайд гирифта шудааст.