Дар остонаи фарорасии иди моҳи шарифи Рамазон ҳайати шахсии Раёсати нозиротӣ-ташкилии Вазорати корҳои дохилӣ ба мактаб-интернати №1-и шаҳри Душанбе бо маблағи пулии зиёда аз 1000 сомонӣ кӯмаки хайрия расонид.

Бино ба иттилои маркази матбуоти ВКД ҶТ, ҳамчунин аз ҷониби кормандони Раёсати мазкур барои оилаҳои кормандоне, ки ҳангоми адои хизмат фавтидаанд, маводи ғизоӣ аз қабили орд, биринҷ, равған ба маблағи беш аз 900 сомонӣ кӯмаки моддӣ расонида шуд.

Зимнан зикр мегардад, ки ҳайати шахсии Раёсати нозиротӣ-ташкилии ВКД мудом аз ҳолу аҳволи фарзандони бесаробонмондаи кормандони собиқи худ, ки ҳангоми адои хизмат фавтидаанд, бохабар шуда, кӯмаку дастгирӣ менамоянд.