Ахири ҳафтаи гузашта сафири Иёлоти Муттаҳидаи Амрико дар Тоҷикистон Сюзан М. Эллиотт дар маросими ифтитоҳи мактаби нав таъмиршудаи №120-и ноҳияи Рӯдакӣ ширкат варзид.

Бино ба иттилои сафоратхонаи ИМА дар ҶТ, раванди азнавсозӣ пурра барқарор намудани чаҳор утоқи дарсӣ ва дастрас намудани таҷҳизотҳои ёрирасонро дар бар гирифт. Ин кор аз тарафи Муассисаи ҳамоҳангсозони ёрии ИМА ба давлатҳои Аврупо ва Авруосиёи (EUR/ACE) маблагузорӣ шуда аз тарафи Барномаи Ёрии Башардӯстона ба Ҷомеа (БЁБҶ) Каунтерпарт Интернейшнл амалӣ карда мешавад.

Таъмирот бевосита муҳити омӯзишро барои донишҷӯён ва омӯзгорон таввасути зиёд кардани синфхонаҳо дар ошёнаи дуввум ва баланд бардоштани ғунҷоиши мактаб аз 191 нафар то 250 нафар талабагон беҳбудӣ бахшид.

Мактаби таҳсилоти умумии №120 соли 1972 ҳамчун боғчаи бачагон барои оилаҳои камбизоат таъсис ёфта соли 2003 ба мактаби ибтидоӣ табдил ёфт.