Тибқи Нақшаи чорабиниҳои Вазорати меҳнат, муҳоҷират ва шуғли аҳолии Ҷумҳурии Тоҷикистон ва фармоиши вазири ин ниҳод, аз ҳисоби кормандони вазорат, хадамоту агентӣ гурӯҳҳои корӣ ташкил таъсис дода шуд.

Бино ба иттилои маркази матбуоти Вазорати мазкур, мақсад аз ташкил намудани гурӯҳҳои кори барои гузаронидани вохӯрию суҳбатҳо бо фаъолон ва муҳоҷирони меҳнатӣ дар ҳамаи шаҳру ноҳияҳои ҷумҳурӣ, оид ба талаботи нави қонунҳои Федератсияи Россия дар самти муҳоҷирати меҳнатӣ мебошад.

Гуфта мешавад, Вазорати меҳнат, муҳоҷират ва шуғли аҳолии ҶТ талаботҳои бозори меҳнатӣ Федератсияи Россияро дар назар гирифта, дар ин асос ташкили омӯзиши забони русӣ, таърих, асосҳои қонунгузории Федератсияи Россия ва иттилоотонии муҳоҷирони меҳнатро тақвият бахшида истодааст.