Ҳамсари раиси Ҷумҳурии Мардумии Чин Пэн Лиюан, ки Си Ҷинпинро дар сафари нахустини давлатиаш ба Тоҷикистон ҳамроҳӣ дорад, чанде қабл ҳамроҳи муовини нахуствазири Тоҷикистон Марҳабо Ҷабборӣ аз Консерваторияи миллии Тоҷикистон боздид намуд.

Тавре ба «Азия-Плюс» як манбаъ аз Вазорати фарҳанги ҶТ хабар дод, бонуи аввали Чин бо шароити таҳсили донишҷӯёни консерватория ва асбобҳои миллии тоҷикии мусиқӣ шинос шуда, толибилмони ин муассисаи таълимӣ барои Пэн Лиюан барномаи консертӣ намоиш додаанд.

Пэн Лиюан соли 1962 дар музофоти Шандун ба дунё омада, овозхони маъруф ва писандидаи мардуми Чин аст. Соли 1985 ба узвияти Ҳизби коммунисти Чин пазируфта шуда, ба ҳайси роҳбари ансамбли суруду рақси Сарраёсати Артиши миллӣ-озодихоҳии Чин фаъоляит намудааст. Адъюнкт-профессори Донишгоҳи Пекин мебошад.