Гусели зойирин барои анҷоми фаризаи Ҳаҷ аз Фурудгоҳи  байналмилалии Душанбе (ФБД) рӯзи 14-уми сентябр шурӯъ гардида, то 29 сентябр идома хоҳад кард.

Тавре ба «Азия-Плюс» котиби матбуотии ФБД Муҳаммадюсуф Шодиев хабар дод, фурудгоҳи Душанбе имсол ба 34 рейсҳои мерафта ва меомадаи ширкатҳои ҳавопаймоии «Тоҷик Эйр» ва «Сомон Эйр» хизмарасонӣ хоҳад кард.

Ба иттилои ӯ, дар фурудгоҳи Душанбе барои зоирин шароити хуб муҳайё буда, гузаштан аз назорати сарҳад, гумрук ва тартиби номнависии зоирин ва муоинаи пеш аз нишаст ба ҳавопаймо муташаккилона мебошад.

Зимнан зимкр гардид, ки толори парвоҳои маҳаллӣ барои зиёраткунандагон муҷаҳҳаз шуда, шароити овардани таҳорат, гузоридани намоз, истифодаи  оби гарм, чой ва қаҳва фароҳам аст.

Бино ба иттилои Кумитаи дин, дар назар аст, имсол аз ҷумҳурӣ 6 ҳазору125 нафар ба зиёрати хонаи Худо сафар намоянд, аз ин шумора 3ҳазору 292 нафар аз фурудгоҳи Душанбе парвоз хоҳанд кард.