Дар ноҳияи Ҳисор корҳои омодагӣ ба таҷлили ҷашни 3000-солагии Ҳисор суръати бештар касб мекунанд. Таҷлили ин ҷашн расо баъди як сол – моҳи сентябри соли 2015 доир мегардад.

Бино ба маълумоти расида аз ҳукумати ноҳияи мазкур,  ба ифтихори ҷашни Ҳисор бунёди беш аз 240 иншооти нав пешбинӣ шудааст, ки то имрӯз 17-тоаш барои истифода омода буда, сохтмони боз 19 иншооти дигар дар арафаи анҷомёбист.

Тибқи маълумот, сохтмони варзишгоҳи марказии Ҳисор бо 20 ҳазор ҷойи нишаст моҳи сентябри соли гузашта оғоз гардида, феълан бештар аз 60 дарсади корҳои сохтмонӣ дар ин иншооти ҷашнӣ ба итмом расидааст. Маҳз дар ҳамин варзишгоҳ чорабиниҳои асосии ҷашнӣ доир мегарданд.

Зикр гардид, ки ин варзишгоҳи боҳашамат дар масоҳати 20 гектар сохта шуда, барои бунёди он 38 миллион сомонӣ маблағҳои ҷумҳуриявӣ ҷудо шудааст.