Рӯзи 23-юми сентябр дар шаҳри Ҷидда ба муносибати солгарди иди миллӣ - Рӯзи иттиҳоди Шоҳигарии Арабистони Саудӣ маросими барафрохтани парчами миллии ин кишвар дар сутунпояи баландиаш 170 метр доир гардида, ин нишондиҳанда ба Китобҳои рекорди Гиннес номнавис шуд.

Бино ба маълумоти Sauddi Gazette , ин сутунпоя аз сутунпояи парчами Тоҷикистон, ки соли 2011 насб шуда буд , 5 метр баландтар аст. Дарозии парчам - 49,5 метр, бараш – 33 метр, вазнаш - 570 килоро ташкил медиҳад дар майдони масоҳаташ қариб баробар ба майдони футбол насб гардидааст.

Дар ин макони насби сутунпояи парчам рамзи миллии Арабистони Саудӣ – ду шамшери дарозии ҳар кадоме 75 метр ва нахли 85-метра воқеъ буда, масоҳати майдон 26 ҳазор метри мураббаъро фаро гирифтааст.

Ёдрас мекунем, ки соли 2011 сутунпояи парчами миллии Тоҷикистон ҳамчун баландтарин стунпоя ба Китоби рекордҳои Гиненес дохил шуда буд. Дарозии ин сутун - 165 метр, дарозияш - 60 метр, бараш - 30 метр ва вазнаш 420 килоро ташкил дода, масоҳати умумиаш 1800 метри мураббаъро фар мегирад.