Ба ифтихори 90-умин солгарди шаҳри Душанбе ҳамчун пойтахти Ҷумҳурии Тоҷикистон  шаҳри Душанбе  аз ҷониби Форуми байналмилалии Мегаполис асри XXI бо Дипломи VII –умин озмуни байналмилалии таҷрибаҳои шаҳрии шаҳрҳои ИДМ ва Иттиҳоди иқтисодии АврОсиё - «Шаҳре, ки он ҷо зистан мефорад» - 2014 барои ободонӣ, рушди инфарасохтории муосири шаҳрӣ ва дар сатҳи олии ташкилӣ баргузор намудани чорабиниҳои байнидавлатии кишварҳои Иттиҳоди Давлатҳои Мустақил ва Созмони Ҳамкориҳои Шанхай  сарфароз гардид.

Бино ба иттилои хадамоти матбуоти мақомоти шаҳрдории пойтахт, ҳамзамон Раиси шаҳри Душанбе Маҳмадсаид Убайдуллоев аз ҷониби Ассамблеяи байналмилалии пойтахтҳо ва шаҳрҳои бузург бо медали «Барои саҳм дар рушди ҳамкориҳои байнишаҳрӣ» қадргардонӣ карда шуд.