Ширкати Лото Спорт мукофоти баландтарини пулӣ дар ҳаҷми 300 ҳазор сомониро ба як муҳоҷири корӣ тақдим кард.

Дар иттилоияи расмии ширкати мазкур дар ин робита зикр мегардад, ки соҳиби ин бурд Шаҳзод Шаропов, сокини 31-солаи деҳаи Урметани ноҳияи Айнии вилояти Суғд шудааст, ки билети лотереяро аз нуқтаи фурӯши ширкат дар деҳаашон дастрас намудааст.

Шаҳзод Шаропов муҳоҷири корӣ буда, ҳамасола барои дарёфти маблағи рӯзгор ба Русия сафар ва ба ҳайси бинокор фаъолият мекардааст. Тамоми маблағҳои коркардааш барои рӯзгору таъмини маишати падари пиронсол, ҳамсар ва ду нафар кӯдаконаш масраф мешудааст.

Дар бораи ниятҳои минбаъдааш пас аз ин бурди калон Шаҳзод изҳор намудааст, ки дар Душанбе манзили зист харида, таҳсили ояндаи фарзандонашро таъмин карданист.

Ширкати Лото Спорт нахустин ширкати касбии ташкили бозии лотерея дар Тоҷикистон аст, ки фаъолияташро дар тамоми қаламрави Тоҷикистон роҳандозӣ намудааст.

Муддати 10 соли фаъолият ба ғолибони бозии лотереяи Лото Спорт ба маблағи беш аз 113 млн. сомонӣ (ҳудуди 22 млн. доллари ИМА) мукофотпулиҳо тақдим карда шудааст. Айни замон ширкат 6 навъи билетҳои лотереяи арзишаш аз 1 то 10 сомониро ба бозӣ мегузорад, к и бо дастрасии онҳо метавон аз 1 то 300 ҳазор сомонӣ маблағи пулӣ бурд кард.